(مسحراتي ع باب مصر )… محمود فهمي
مسحراتي وسبحتي كهرمان تضوي كالقمر
في سما ليلك توحد الديان
مصر يا جنه يا هدية الرحمن
مسحراتي واقف ع بابك
واهمس بحب لكل ٱحبابك
قوم يا مصري دا شغل عصري
سيب موبيلك ووحد المنان
مسحراتي ولا عندي فيس
ولا تويتر
لكن عندي ضمير اكسب بعرقي
ولا أمد ايدي غير للواحد المنان
مسحراتي واحكي حكاوي
يلا يا غاوي
قرب واسمع مني احلى كلام
كلام جدودي وحافظ حدودي
ولا ٱرمي ودني للحيطان
مسحراتي أدق ع بابك
واصحى بدري اصلي فجري
يرزقني ربي احمد وٱلبي
يلا يا مصري الشمس طلعت
انزل لشغلك وافردي وشك واقضي المصالح
وكله في الميزان
مسحراتي وسبحتي في ايدي بسبح الرحمن
وعندي لسه كتير حكايات
……
محمود فهمي
التعليقات مغلقة.