الشعر شعر…
أشرف يوسف
الشعر شعر
رسالة موجهة لكل من
كتب الشعر دون دراية
بعلم الْعَرُوض
كلمات : أشرف يوسف
أنا بعترض علي كل حرف
بتكتبوه
من غير لا وزن بيضبطه
ولاحتي قافيه
الشعر تفعيله و بحر
وله عَرُوض
زي الخليل ما شرح لنا
مش شغل عافيه
بحر الهَزَجْ في كلامكوا فين
ولا الطويل ؟!!!
فين الرَّجَز فين الرَّمَل
فين البسيط ؟!!!
فين المديد و المُنْسَرِحْ
فين الْمُضَارِع ؟!!!
فين الموسيقي و الإيقاع
مع كل بيت ؟!!!
فين السريع و الوافر
المُجْتَثْ فين ؟!!!
و الكامل الْمُتَقَارِب السهل
اللطيف ؟!!!
و كمان فين الْمُتَدَارَك اللي
بيحكوا عنه ؟!!!
و الْمُقْتَضَب يا جماعه
والبحر الخفيف ؟!!!
الشعر علشان يبقي شعر
تحس بيه
لازم ما يِخْلاش م المشاعر
والعواطف
و كمان ضروري يبقي فيه
أوزان وقافيه
بالشكل دا و من غير جَدَل
يبقي انت شاعر
بالشكل دا
ومن غير جدل
يبقي انت شاعر
الأحد بتاريخ ٢٠٢٢/٤/١٠م
بقلم الشاعر : أشرف يوسف
من ديوان : شاعر و مشاعر
التعليقات مغلقة.