هَل النصر بقلم : حسن أبوعرب
كان يوم عَشَرَه من رمضان
كان السادس من أكتوبر
هل النصر علينا وبان
مصر يابلدى ياحُضن أمان
ملعُون الخاين وجبان
سرق الأرض وعاش أوهام
ظن بإن حصُونه تمام
فَكر إن شعوبنا نيام
وان معتش حدانا إيمان
لكن فجأه ثار بركان
حطم أساطيل الطغيان
ملعونه جيوش الفئران
فينُوا شارون؟
أو فين ديان؟
جُولدَا مائِير
صرخت فى بيان
فينك يا رئيس الأركان
جيشنا خلاص انتهى واتهان
ياسواقى ويامصانع دُورِى
خلِّى الشمس تنَوَّر دُورِى
ياليالى العَتمَه م تغُورِى
ياصبايا غَنِّى على عبُورِى
واعزفى ألحانُه ياطيورى
وِاملِى الدنيا أجمل ألحان
غَنِّى وقُولِى كمان وكمان
رجعِت سينا للأوطان
مصر يابلدى ياحُضن أمان
هل النصر علينا وبان
يوم السادس من اكتوبر
كان يوم عَشَرَه من رمضان
التعليقات مغلقة.