الحرف كاس يهواك بقلم : علا فياله
سحر الكلام جواك
موج البيان عالي
والحرف كاس يهواك
والشعر يحلالي
ماسات حروفك تبان
كِيف الدهب عناقيد
و مهما. عدى زمان
تفضل نجوم بتقيد
فاوعاك تكون وشين
للخَلق كن بلسم
الحرف لو كان شين
يبقى السكوت أسلم
الشعر فيض احساس
ولا عمره كان كداب
حس اللي جوا الناس
وافتح. لقلبك باب
واكتب كلام مفهوم
حرفك يكون بميزان
ينصف دموع مظلوم
ويقتل كمان أحزان
التعليقات مغلقة.