مليون بحبك بقلم محمود فهمي
فيه مليون حاجه غلط
ومش واضحه فيكي أو فيه
ٱزرع غيطان العنب ع شطوطك
تطلع صبار بطعم لون صبري
ٱضحك وضحكتي
ب تقاوح ومش طالعه
تطلع احزاني مع شمسك
مكسوره مع ضيك
وٱتخبى في شعاع صبحك
تدفا روحي في حضنك
ومليون حاجه غلط مكتوبه
ومش مفهومه ع جبين عمري
فيه تنهيده مش طالعه وبتعافر
وٱحاول ٱفك الخط في حبك
وٱتهجى حروف عشقك
وٱكتب قصيده فيكي
ويقولوا شاعر مهووس
ٱنا بحبك
وارمي تقاوي الفرح في ٱرضك
تطلع ضحكة جدع
شايفك جميله رغم الوجع
ومش محتاجه افسر لك
فيه حاجه بتشدني ليكي من تاني ومعاها مليون بحبك
التعليقات مغلقة.