ساعة لقا شعر الشاعرالسيد بهجت الشريفي
قابلتني بعنيها الجميله
ساعة لقا
لابسه الحرير وعنيها كات متشوقه
ضمت خطاوي قلبي انا
مع قلبها
متأكده وعارفه اني بحبها
بدرت حنينها اوام بسرعه ف سكتي
سرقت ف حضنها نور عنيا وضحكتي
قالت بحبك وانت روحي ودنيتي
وسمايا بوجودك بشوفها مزوقه
قابلتني بعنيها الجميله
ساعة لقا
لابسه الحرير وعنيها كات متشوقه
رديت عليها والحنين شابك ف توبها
رديت وقلبي سايبني وبيداعبها
مشغول وسابني لوحدى افكر
معزور ماشفش ف عمره سكر
عايش سنين يشرب ويسكر
لحد ماشافها هي وقال ياهووووه
ردت وقالت حبك انت ف قلبي اكبر
قابلتني بعنيها الجميله
ساعة لقا
لابسه الحرير وعنيها كات متشوقه
التعليقات مغلقة.