مسحراتي ع باب مصر بقلم : محمود فهمي
مسحراتي تايه في ملكوتك
كٱني ما جيت للدنيا
ولا عجنتني غربتها وعايش بعيد عنك ومحبوس جوه اسوارها
وبراح العمر ساعة اللقا يكون حضنك
وقلبي طيب وساعات قريب
لما تاخدك الشدة وما
تلاقيش ٱوت يومك
اكون خبزك اللي يسد
رمق جوعك
مسحراتي ولما قلبك العطشان بيعدي ع بابي
اكون ٱنا ال مايه بين كفوفي ترويكي
مسحراتي وتايه في بلاد الله سواح
وفي كل البلاد لفيت
لكن عيوني ما شافت
احلى من طيفك
ومهما تاخدني المدن وتطوينى
وتجاعيد الزمن تترسم ع جبيني
ٱجي من تاني وٱتعكز
ع كتفك
ما ٱنتي البلا وعشقي
وٱنتي جرحي ودوا العله
والليل ال ساهر في حشا نجمي
لما يغيب القمر بشوف ملامحك ضيا روحي
مسحراتي ومهما همومي تاخدني
ٱلقي براح الدنيا
كله في عيوني
التعليقات مغلقة.