أبا العمده : “فلوس زي الرز” طرفة لزين ممدوح

واد يا عويس نعمين يا سي مرزوق
عايزك يا وله تجمّع كام نفر كده م الكفر خير اللهم اجعله خير
شغلانه حلوة وفلوسها زي الرز
طب احنا مش مطلعين جوازات سفر ومين قالك اننا هنسافر
مش بتقول فلوس زي الرز،ودي عايزة سفر والكفر بيكح تراب! تراب مين يا وله ،الكفر مليان خير
ودي شغلانه مضمونه
وايه هي الشغلانه، مدير ؟ لا ،سكرتير!
سكرتير في شركة لا في مكان عالي!
ودي مرتبها كام؟ ٧٦ جنيه
بس،وعمال تقولي فلوس زي الرز يا وله لما تمسك المفاتيح هتحط جنبهم ست اصفار
٧٦ في الشهر لا يا وله في الخبطة !
لا يفتح الله، دا آني أكلها بملح وابقى مرتاح الضمير عفارم عليك يا عويس، اني كنت بعملك اختبار
_ما تختبرش ناس اتربت على طبلية يا سي مرزوق
الدور والباقي على أصحاب الشوك والسكاكين!!