ليلة اللقا…
أشرف يوسف
ليلة اللقا
أغنيه جديده
كلمات : أشرف يوسف
الجمعه بتاريخ أربعه
وعشرين من الشهر اللي
فات
كنا اتواعدنا و اتلاقينا
بعدها يوم التلات
كان القمر في سمانا عالي
وقتها بين النجوم
والدنيا بتغني الهوي
في حياتنا يااااه
كان أحلي يوم
ضحك القدر ساعة اللقا
واحنا ضحكنا كمان معاه
وعنينا في عنينا بتحلم
قد إيه حلوه الحياه
غنينا غنوة حبنا
مع بعض وسهرنا الليالي
وقمرنا بيشاور لنا
فرحان بيرقص في
العلالي
وإيدينا دايبه في لمسها
من بعد خوفنا ما اختفي
شفايفنا تهمس بالكلام
وقلوبنا حست بالدفا
ليله ما شوفناش زيها
في العمر كله حقيقي
ليله
خليتنا مع نور الأمل
ننسي الأماني المستحيله
ونقول ما شوفناش قبلها
ولا بعدها في العمر ليله
ونقول ما شوفناش
قبلها
ولا بعدها
في العمر ليله
الجمعه بتاريخ ٢٠٢٢/٤/٢٢م
بقلم الشاعر : أشرف يوسف
من ديوان : حكاية حب
التعليقات مغلقة.