حبل الود كلمات : أيمن شتا

خليت الفرح ليك
وسيبت الجرح ليا
انا خفت كتير عليك
ومخفتش يوم عليا
ودي آخرة حبي ليك
ازاي انا اهون عليك
يا خسارة عمر عدي
ضيعته انا بين ايديك
عشت بداوي الجرح في قلبك
وانا بستحمل كل جراحك
كنت بعدي واقول مش ذنبك
بكرة تلاقي في قلبي براحك
وانت بتكسر فيا بايدك
وبتهدمني بكل غرور
شاطر جدا في التمثيل
ايوة عرفت تأدي الدور
يا خسارة عمري انا ضيعته
اوعي تقولي في يوم معذور
غلطة عمري أن انا حبيتك
واستحملت معاك المر
بس هصلح غلطي بايدي
مش هستني العمر يمر
مش هقبل تاني باعذار
شفت في حبك كل مرار
جيه الوقت عشان اختار
حبل الود قطعته بايديك