راكب حصان الحلم شعر محمد مفتاح
راكب حصان الحلم
طاير بيا فارد ١٠٠جناح
مع أنا للعلم
لسه في نفس المكان
الذكرى بتعيد اللي كان
وترجع اللي أنا شايفه راح
مليت جراح
وركبت مركب غاص لحد الموج بعيد
وبقيت وحيد
مستني شاره ترد روحي للحياه
عينك نجاه
م المهلكات اللي غيرت الحقايق
بتمني اشوفك أنتي لو دقايق
عشان أحكي ليكي كل السيناريو بمختصر
قلبي أنكسر
وشايفك أنتي لسه مصره عالفراق
ولقانا مابقاش منتظر
طب شاوري نفسك وعيدي ترتيب الورق
إيه اللي فاضل بينا باقي حبة ذكريات
حاضنه السكات
ناسيه اللي فات
مركبنا ومصيره الغرق
طب إيه فرق
نسيتي المشي عالكورنيش في وقت غروب
والشمس تاخد أمنياتنا للقمر
نحكي ويحللنا السهر
يعدي بينا الوقت وإحنا نقول يا دوب
فجاءه الفراق أصبح قدر
محسوم
مش كل حاجه نحبها بتدوم
علي العموم
فترة وعدي وقتها
وكأنها كانت ذنوب
بنتوب ونبعد عنها
صفحه أنطويت
فبلاش في يوم نرجعلها
التعليقات مغلقة.