هضحك عليكي يادنيا بقلم : أيمن رضوان
هضحك عليكي يادنيا
مهما يزيد وَجَعِكْ
عندي
ماتسوي دمعة
ممكن تزيد حزني
متعودة
عيني من يومي
موعودة تشوف بِدَعِكٔ
ديما
الخسة طبعك
دا اللي تابعك
كديل الكلاب متني
وانا اللي
فيكي دوم عزيز
أيوة طويل باعي
عزة النفس دي طبعي
وهي راس مالي
وان يوم جرتي عليا
اميل على دراعي
ولا منك اشكي
ولا يوم رح احكي
للغريب حالي
وان جيتيلي عِدْلَهْ
عادي هقلك سلامات
ولو عطيتي قفاكي
معايا مهياش فارقة
كَمْ من مرتاح فيكي
بعد الهنا سلى مات
أصلك ردية وطية
قلابة عالدوام مارقة
طب يبقى ليه الحزن
وكماني ليه النواح
هياها واحده الحسبه
جيتي فوق أو تحت
أدينا فيكي عايشين
لما ييجي الدور مرتاح
وليكي يادنيا مِسَامْحِين
مهما سَوَّدْتِي البخت
التعليقات مغلقة.