طريق البعد أغنية جديدة كلمات : أشرف يوسف
إنتي اللي اختارتي طريق البعد
وقولتي خلاص ميت ألف وداع
وف لحظه لقيتك بعتيني
وانا قلبي شاريكي وعمره ما باع
وف عز ما كنت انا محتاجلك
سيبتيني أعيش ويا الأوهام
و رفضتي هوايا و قولتيلي
دا هواك مش أكتر من أحلام
ما صعبش عليكي دموع عيني
و لا حرقة قلبي و تعذيبي؟!!
مع إن لحد الوقتي بعيش
علي حلم في كلمة يا حبيبي
وان كنتي نسيتي انا مش ناسي
دا هواكي انا عايشه بإحساسي
و كلامك مهما تفارقيني
بالكلمه علي عيني و راسي
وان كان و لا بد تفارقيني
فسيبيني أعيش علي كام ذكري
الماضي خلاص بقي شئ مني
هو اللي حاعيش به في ليل بكره
وحياتي معاكي حاتصبح حلم
في قربك أو وانتي مسافره
ولو احنا في دنيتنا بنبعد
فهناك نتقابل في الآخره
الخميس بتاريخ ٢٠٢٢/٤/٢٨م
بقلم الشاعر : أشرف يوسف
من ديوان : دموع وألم
التعليقات مغلقة.