ياعزيز ياغالي ” أغنية جديدة ” كلمات الشاعر أشرف يوسف
في لقاك دا ماكانش حالي
أبدا يا عزيز يا غالي
دي الوقتي انا بشكي بُعْدَك
للأيام و الليالي
خليك ويانا حبه
في القلب تزيد محبه
و بلاش تبعد يا غالي
و تفارق الأحبه
من غير ما نحس تجري
أيامك بالثواني
وياعَالِمْ مين يصوم
لياليك الحلوه تاني؟!!!
بيقولوا دا بكره عيد
و حانلبس فيه جديد
وانا ما اتعودش قلبي
يفرح و تكون بعيد
مين بإيديه راح يطبطب
عالمسكين و الفقير؟!!!
ويخلي الناس تقرب
من بعض بكل خير؟!!!
رمضان خليك فاكرنا
بالخير ولا تنسناش
غير لياليك لأ ما عيشتش
علي قد ما قلبي عاش
غير لياليك
لا ما عيشتش
علي قد ما قلبي
عاش
التعليقات مغلقة.