من غير دليل ولا مستند بقلم وحيد علي الجمال -سرس الليان -محافظة المنوفية جمهورية مصر العربية

من غير دليل ولا مستند بقلم وحيد علي الجمال -سرس الليان -محافظة المنوفية جمهورية مصر العربية

من غير دليل ولا مستند
خَبَّط على نفسك كتير
اوعاك تخاف من قُرب موتك
فتعيش بتحلم بالخلاص
والسجن آخر كلمتين
ريحة الكلام من قلب صوتك
الموج على بحرك عنيد
اوعاك تعِيد
شبطان اعدي المستحيل والألف ميل
من غير خطاوي
الوقت قَرَّب ع الرحيل
وانا عمري فيك من غير دليل
وانا اصلي وقت الشدة حاوي
قضبان حديد بيني وبينك
بِعْت القصايد ع القهاوي
لاجل ما اقدر اشتريك
من غير شريك
غصب عني الوقت فات
جُوَّه السُكات
وبقيت ماضيك
ريحة الوجع هي.. هي
فَتْعَدي من ناحية هناك
لسه الشوارع فاكره مين كان جاي معاك
عيش السراب واكتبني جوه الذكريات
منحوت على جدران هروبك
مهما السنين كانت عجاف
لازم في وسط الزحمة دي قلبي يشوفك
افتح بيبان جُوَّه الحيطان ميكونش فيها ليه وكان
أو أي فرصة للملام
نِفسي أقابلك جُوَّه روحي
من غير حساب
نفسي مرة في وقت ضعفي جُوَّه حُضنك انحدف
من غير دليل ولا مُستند..
على قلبك انت اتسند