عمرك ماهتغلبنى بقلم الأستاذ : أحمد فؤاد الهادي
جاى بسلاحك تقتل ابنى
فاكر انك كده ترهبنى
بايع أرضك
دايس عرضك
لكن عمرك ماهتغلبنى
جاى م الضلمة رايح لهلاك
مسعور ليه على هدم بلادك
وللا قالولك كده أسيادك
مش ده النيل اللى بيسقيك؟
رايح ليه للى بيشقيك؟
وللا سواد قلبك بزيادة
قالك ان القتل حلال وعبادة
وجاى بسلاحك تقتل ابنى
لكن عمرك ماهتغلبنى
جاى م الضلمة رايح لهلاك
داير تخرب فى الاوطان
ندل خسيس مانتش انسان
طب والله لو حيوان
لو دبحوه كان عمره ماخان
وجاى بسلاحك تقتل ابنى
لأ والله ماهتغلبنى
جاى م الضلمة رايح لهلاك
شرطة وجيش هايدوسوا رقبتك
انت واللى بيقفوا وراك
ابنى حبيبى ضابط شرطة
شايل سيفه بيستناك
وابنى التانى فى الجيش ضابط
شوف كام مرة بعمره فداك
فكرك يعنى هاتقتل ابنى
لأ والله ماهتغلبنى
جاى م الضلمة رايح لهلاك
التعليقات مغلقة.