أنا آسف شعر : وحيد علي الجمال
وايه يعني
بتيجي في حلمي تشغلني
وشوقك دمعه يسألني
تعالىٰ لحضني طمني
انا مشتاق ترجعني
لعز هواك
مش انت اخترت تبقى
هناك
وقلت اكيد انا هنساك
وتبقى ذكرى أشعاري
ماتطلبشي بقى عتابي
وتفتح باب مهوش بابي
وقول كداب
فقربك راح
ومهما يكون مابينا براح
انا رافضك بأعذارك
ماتفتحشي مابينا حساب
انا وانت بقينا اغراب
ملوش لازمه نولع نار
رمادها لسه في كتابي
انا ذكرى وماضي فيك
ملوش معنى
ولا انت بعت ولا بعنا
وقلبي عنك استغنى
مش انت اخترت تهجرني؟
انا اسف بقى اعذرني
انا قلبي مهوش قابل لأي عتاب
وفرحي وحزني دا بتاعي
وماتخصكش أوجاعي
واذا طيفك قابل حلمي
انا في حلمك مليش تفسير مافيش تغيير
يمر الحلم وتسيبني!!
ماهو حلمك
تملي ان غبت تظلمني
ماهو طبعك
في عز القرب تبعدني
ماهو غدرك
وايه يعني بقى مشتاق
مافيش حاجه ترجعني
لقلب هواك
كأنك وقت ماتقرر
هخش السجن واتحرر
في اوهامك وهتمسك
بإحساسك
ما انا هامش في احلامك
تروح وتغيب وانا جاريه في سلطانك
غرورك لسه على صورته
وضعفي فيك انا بعته
انا اسفه بقى اعذرني
ومتجبشي بقى سيرتي
انا رفضى يكون بينا
بشاير حتى للتغيير
التعليقات مغلقة.