يا دم سايل بقلم / د. حسام عبدالفتاح الدجدج
يا دم سايل ولسه فاير
الدم يغلى من جرح غدري
عمال يهاتى يصرخ ينادى
يقول يا بلدى معايا إجرى
فوق الشدايد أدوس واعدى
وأطوى ليلى وأشد فجرى
مش أى موجه تهز قلعى
ولا أى غيمه تدارى بدرى
ومهما جرحك بغدر يقسى
ولو خيانه بليل تطول
لكل خاين أكيد نهايه
وكل ظالم فى يوم يزول
وحقك إنت مايضيع يابلدى
ولا يوم يعدى غير بانتصار
ومهما ليلك يطول يابلدى
يا مصر ليلك ده له نهار
التعليقات مغلقة.