برصاص الغدر قتلتوا شيرين بقلم الشاعر الغنائي / أشرف يوسف
برصاص الغدر قتلتوا شيرين
ودبحتوا الفرحه في فلسطين
من هنا حلمكوا راح يبقي
كابوس
و هيخرج لكوا زيها ملايين
وف كل مكان فيه فدائيين
بعدد حبات الرمل شيرين
تحلف بالله مع كل آدان
لتعيشوا في رعب ليوم الدين
وح يبقي ما بينا و بينكم تار
بيقيد مع كل دقيقه النار
و يقول للدنيا بعزم ما فيه
لا حا نقبل ذل و لا استعمار
وبحق الدم اللي ف يوم سال
لا ندك قلوبكوا بميت زلزال
ونجيب النصر منين ما نروح
و تشوفوا ازاي إننا أبطال
يا دموع في عيون ما بتعرف
ذل
وطريق مشيناه كان شوك مش
فل
بكره الأيام حتوريهم
و يعود الحق يا ناس للكل
والفرحه الغايبه في يوم ترجع
والشمس الدافيه بشوق تطلع
و قلوب العدوان من نارنا
بإيدينا يا فلسطين تولع
ونقول عاد أملك يا فلسطين
مع طلعة فجرك من حطين
و هناخد من بدري بتارك
أيوه اطمني وافرحي يا شيرين
أيوه اطمني
وافرحي يا شيرين
التعليقات مغلقة.