إلى الأخت الشهيدة بإذن الله تعالى ” شيرين أبو عاقلة ” بقلم الشاعر محمد الشناوي الشيوي
لسه دمك للزيتون
بيقول غناوى
كنت غاوى لفته
منك
كنت ناوى أكون
بدالك
لحظه الغدر المميت
والعجيب إن الأمانى
تنتهى وفى صدر بيت
لما سهم الغدر صابك
نبض قلبى كأنه مات
الشهاده كات منابك
وانتى نولتيها بثبات
كات إيدين أرضك
طهور
كونى زى رفاق دروبك
صرخه بتهز القبور
كونى فرحه كونى نور
هانى أسفار العبور
حركى رغى السكات
إل باقى منا مات
رغم إتمام السطور
امرحى وفى حصل
طير
وأسعد بلقا الخليل
اشربى من حوض
حبيبك
باقى سكون الضمير
ياسفير الموت يارايح
السما بشهيد جديد
ليه حياتنا تكون شراقى
والحنين مالى الوريد
اروى صوت الحق فينا
رجعى ال فاتنا لينا
احنا فى الموعد هنحضر
مش وشايه سدقينا
روحى شافت قبل منك
نهر وبإسم الشهيد
وفى منايا إنى أنولها
بينا نحلم من جديد
إفرحى فى الجنه ليكى
لسه أرضك بتناديكى
بكره شط بحور عنيكى
يخلق الفجر الجديد
التعليقات مغلقة.