وقت الوجع …
السيد الشريفي
وقت الوجع
انا قلبي قادر يبتسم
وقت الوجع ما بيترسم
جواه
انا قلبي سجادت دفا
مفروشه ورد وياسمين
للي ملكني هواه
انا وقت قولت اه
بلضم اهاتي بضحكتك
وارمي بشوقي ف سكتك
وأغزل خيوطي الدايبه فيك طوق النجاه
انا ف الحياه
النبض ليكي اتشد اوتاره
مابين ضلوعي دفنت اوجاعي
لمحت فيكي الفرح بيشاور
جريت حضنت النور مع العتمه
انا وقت الشمس والكتمه
بشوفك نور بيشع رباني
تخدني حروفي لبحر ميتوهش
اطول الموجه والنسمه
وما بين الطرح والقسمه
فصيلت دمي من روحك
يا نبض قلبي اللي اتعشق
صوتك رشق جواه
تحياتي الشاعر/السيد الشريفي
التعليقات مغلقة.