مسألش بقلم الشاعر / محمود فوده
مسألتش ليه ولا يـــــــوم فـــــــــــيَّ
وانا شـــايفك دايمـــــــــاً حـــــــواليا
صــــورتك فــي خيــــالي وف عينيا
ولا بتحنيش
ليــــــــه أوهب لك قلبـــــي وحناني
علشـــــانك وانت بتنســــــــــانـــــي
ولا عمـــــرك كنت بتهـــــوانــــــــــي
ولا بتحسيش
ليه تخدع روحي ف أحـــلامـــــــــك
ليـــــــه تعيَّــــش قلبــي في أوهامك
ليـــه تِهيِّــــم ليـــه بحــــر غــــرامك
ولا تنقذنيش
فكـــرت تعيــش ولا تســـــألشـــــــي
عن قلب بيعشــــق ولا طـــــالشــــي
لاكـــن الدنيــــا دي ما هــــتدومشي
للي ما حنيش
بكــــــره انت فــــــي يوم تتمنــــاني
وتهــــادي الدنيــــــا دي عشــــانــــي
ما هينفـــــع تانـــــــي تترجــــانــــي
فمتتغريش
مش هنــــدم ولا هضعــف تانــــــــي
ولا هبكــي عليك فيـــها يا أنانــــــي
ما دام اللــي عشقتــه ما خـــلانــــي
أحلم وأعيش
الحب فــــي نظــــرك كـــان نـــــزوه
كــان فسحــه وكـــان ويـــاك غنـــوه
لاكـــن انا حسيتـــك علـــى سهــــوه
ما هتنفعنيش
التعليقات مغلقة.