الحلم الوردي أغنية جديدة كلمات الشاعر / أشرف يوسف
إتعلقت بقلبك أكتر
ما اتعلقت بغيرك
و اتمسكت بحبك أكتر
بعد ما عشت ف خيرك
و اتمنيتك ليا لوحدي
نآخد من بعضينا و ندي
إيه أجمل من إن يا روحي
ألمح طيفك و انت معدي
إنت النعمه اللي باعتهالي
ربنا بعد ما كنت ف غربه
وانت القدر اللي كتبهولي
أفرح بيه في الدنيا الصعبه
يااااه علي حبك بعد ما جاني
بعد ما كنت زمان وحداني
إتمنيت لو يجي الماضي
وارجع اعيشه معاك من تاني
إيه أجمل من طعم الفرحه
لما بنام علي حبك واصحي؟
حلم جميل وكأني ف جنه
فيها جناين وردك طارحه
يلا نعيش الحلم الوردي
و نغني و الناس سمعانا
نفرح دايما قد ما نفرح
طول ما الفرحه لسه معانا
و نعيش شوقنا ف بكره
الجاي
من غير فين أو ليه وازاي
تحلي القاعده معاك
يا حبيبي
بفنجان قهوه وفنجان شاي
تحلي القاعده معاك
ياحبيبي
بفنجان قهوه
وفنجان شاي
التعليقات مغلقة.