بتودعنا أعز الناس ” أغنية جديدة ” كلمات الشاعر / أشرف يوسف
هي الدنيا تمللي كده
أيوه الدنيا تمللي كده
بتودعنا أعز الناس
و بتتعبنا كلام وِ نِدَا
ناس بنحس معاهم دايما
طعم الفرحه الليله وبكره
بعد ما كانوا معانا يفارقوا
واللي فاتوه بقي ماضي
وذكري
مين غيرهم هيحس وجعنا؟
وهيمسح في الجرح دموعنا؟
قول يا قدر راح نعمل إيه
من غيرهم في ليالي وداعنا؟
ليلنا نهارنا دموع و أنين
عايشين فيه بين شوق
وحنين
قولوا ازاي حانعيش الفرحه
واحنا ياناس جوانا حزين؟
ياللي فارقتوا أوام ليالينا
لو في الأحلام ردوا علينا
وللا تعبنا و تعب الشوق
فاكرينكم ولا لحظه نسينا
كل طريق مشيناه وياكوا
من غيركم صعب حانمشيه
بعد وداعكم فين الفرحه
والصبر اللي بيحكوا عليه؟
ما ارتحناش في بيعادكم ليله
والأيام في الغربه طويلة
من غيركم مش ممكن أبدا
تبقي معانا الدنيا جميله
من غيركم مش ممكن أبدا
تبقي معانا
الدنيا جميله
التعليقات مغلقة.