إدعوا معايا لأختي عبير كلمات : أشرف يوسف
إدعوا معايا لأختي عبير
قلبها طيب أوي و كبير
قولوا يا رب يِتِمّ شِفَاها
و تعود لينا بكل الخير
إدعوا معايا
لأختي عبير
ألف سلامه و ألف لا بأس
دوسي بأملك فوق اليأس
ياللي ما قَصَّرْتِيش يوم
أبدا
ولا حسينا معاكي بنقص
قايمه بكل ما فيه واجباتك
عارفه حقوقك والتزاماتك
و اللي بينكر ده يتفضل
مش عايزينه يكون في
حياتك
بنت أصول و الرقه فى
طبعك
علشان كده كلنا بنتابعك
وقت الشده بمليون راجل
لو تأمري كلنا حا نطاوعك
تِمّ شِفَاها يارب و زيدها
بالصحه و بارك في ولادها
وِدِّيهَا العافيه و قويها
و اكشف عنها السوء
واسعدها
قولت آمين و اللي
هيحسبها
بالتأكيد هيتوه في عَدَدْهَا
بالتأكيد هيتوه
في عَدَدْهَا
الثلاثاء بتاريخ ٢٠٢٢/٥/١٧م
بقلم الشاعر : أشرف يوسف
من ديوان : شاعر و مشاعر
التعليقات مغلقة.