أمثالنا الشعبية إعداد الأستاذ / سيد جعيتم
الأمثال الشعبية المصريةأقوال مأثورة تحمل تجارب وخبرات أجيال سبقتنا؛ نتجت عن معايشة فعلية، ومعرفة الأجيال الجديدة بها تثري معرفتهم، فلم تترك الأمثال مجالًا إلا وتطرقت إليه.
وقد استحضرت مخزون الكبار، علاوة على ما قرأته، وهذه الأمثال سارية بين أهل الحارة حتي أيامنا الحالية، ودققت بعضها على كتاب الأمثال العامية لأحمد تيمور.
تعالوا نبحر مع ما استطعت جمعه من الأمثال:
- قبل ما تناسب حاسب.
ـ النسب زي اللبن اقل حاجة تعكره. - آخد ابن عمي وأتغطى بكمي.
- العروسة للعريس والجري للمتاعيس.
- اللي يعرف أبويا يقوله واللي كتب كتابي يحله.
- اللي جوزها يقولها يا عورة الناس يلعبوا بيها الكورة.
- اللي يقول لمراته يا هانم يقابلوها على السَّلالِم .
- اللي خدته الهانم تاخده اللي مسحت السلالم.
- اللي خدته القرعة، تاخده أم الشعور.
- اللي يتكسف من بنت عمه ما يجيبش منها عيال.
- يا بايس بره بيتك تتشكر بهم .. بوس أهل بيتك ينوبك أجرهم.
- جوه و بره فرشت لك و انت مايل و إيه يعدلك.
- نار جوزي، ولا جنة أبويا.
- اللي يسعدها زمانها تجيب بناتها قبل و لادها.
- مركب الضراير سارت ومركب السلاليف غارت.
- ابنك زي ما تربيه، وجوزك زي ما تعوديه.
- ابن الوز عوام.
ـ ماتخاف من الهبله خاف من خلفتها. - قلبي على ولدي انفطر و قلب ولدي علي حجر.
- يا مربي في غير ولدك يا زارع في غير أرضك.
ـ خنفسة شافت ولادها ع الحيط قالت ده لولي وملضوم في خيط. - القرد في عين أمه غزال.
- إن كبر ابنك خاويه.
- قصقصي ريش طيرك لا يلوف علي غيرك.
- اللي ما يقدر للمهرة و عليقها يميل من طريقها.
- المخدة ما تشلش أتنين حلوين.
- أنا وأختي نعمل فرح بنت أختي.
- سيب حبيبك علي هواه لما يجي أديله علي قفاه.
- بصلة المحب خروف.
- ضرب الحبيب زي أكل الزبيب.
- حبيبك يبلعلك الزلط وعدوك يتمنى لك الغلط.
- يا واخد القرد علي ماله، يروح المال ويفضل القرد علي حاله.
- عشمتني بالحلق خرمت انا وداني، لا وداني خفت ولا الحلق جاني.
- لبّس البوصة تبقي عروسة .
- الحلو حلو لو قايم من النوم، والوحش وحش لو استحمي طول اليوم.
- مراية الحب عميه.
- من حبنا حبناه وصار متعنا متاعه ، ومن كرهنا كرهناه ويحرم علينا متاعه.
- أنت الرغيف أبو ليه والعين الجوانيه.
ـ من جاور السعيد يسعد. - كل فولة وليها كيال.
- كيال الفولة المسوسة أعور.
ـ العين ما تعلاش علي الحاجب. - اتداين وازرع، ولا تتداين وتبلع.
- على قد لحافك مد رجليك.
- لو تجري جري الوحوش غير رزقك لم تحوش.
- خف رجلك ترزق.
- اللي معندوش ما يلزموش.
اللي يحسب الحسابات في الهنا يبات.
ـ المال السايب يعلم السرقة - اللي الدنيا علمته مش زي إلي امه مرجحته.
- الأرض تضرب ويا أصحابها.
- امشي سنة ولا تخطي قنا.
- امشي على مهلك، توصل بسرعة.
ـ العجلة من الشيطان. - أمشي عدل يحتار عدوك فيك.
- في التأني السلامة وفي العجلة الندامة.
نهيتك ما انتهيت والطبع فيك غالب .
احترت انا معاك والطبع فيك غالب، وديل الكلب لن ينعدل ولو علقوا فيه قالب. - ضربني وبكي وسبقني وراح أشتكي.
- قالوا جابوا الأقرع يسرح بنت السلطان.
- لولا جارتي لا تفقعت مرارتي.
- العلم في الراس مش في الكراس.
- العلم في الصدور مش في السطور.
- القفة اللي ليها ودنين يشيلوها اتنين.
ـ أيد لوحدها ماتسقفش. - الباب اللي يجيلك منه الريح سده وأستريح.
- قول له في وشه، ولا تغشه.
- اللي اختشوا ماتوا.
- خدوهم بالصوت ليغلبوكم.
- أبوك البصل وأمك التوم، منين لك الريحة الحلوة يا شوم.
- يقتل القتيل ويمشي في جنازته.
- كله سلف ودين حتى المشي على الرجلين.
- اللي يسلم دقنه للناس ينتفوها.
- الغايب حجته معاه.
- كل ديك يزعق من حوصلته.
- ولا تصبح ولا تتنى تعيش طول عمرك متهنى.
- تراب الغلة غلة.
يغرك رخصه، وترمي نصه. - الغالي تمنه فيه.
- عدس بترابه وكله بحسابه.
- اطبخي يا جارية كلف يا سيدي.
- تبقي في بقك وتقسم لغيرك.
- همه علي بطنه.
- ما لقوش العيش ياكلوه جابوا لهم عبد يلطشوه.
- يغور اللبن من وش القرد.
- الملح داب والعيش أكلته الكلاب.
- اللي أتلسع من الشوربة ينفخ في الزبادي.
- اللقمة بتنادي أكالها والرزق نصيب.
- مسيرك يا ملوخية تيجي تحت المخرطة.
- اللي عنده قرش محيره يجيب حمام يطيره.
- البرتقال لما كبر وأتدور نسي حاله الأول.
- كل ومدد رجليك أكلة و اتحسبت عليك.
- الضيف المجنون ياكل ويقوم.
- كل اللي يعجبك والبس اللي يعجب الناس.
- آكل فول و أخرج قفايا عرض و طول و لا آكل كباب و الديانة واقفة ورا الباب.
- بدال اللحمة والبدنجان هات لك قميص يا عريان.
- النار ما تحرق إلا اللي كابشها.
- اللي بيته من قزاز ما يحدفش الناس بالطوب.
- اللي ما يشوف من الغربال يبقي أعمي.
- من غربل الناس، نخلوه.
- اللي طلع القرد على الشجرة يعرف ينزله.
- اللي حضر العفريت يصرفه.
- لا تصاحب الأهبل ولا تخلي الأهبل يصاحبك.
- يا داخل بين البصلة وقشرتها ما ينوبك إلا صنتها.
- تبات نار تصبح رماد.
- ربنا مش هيديك حمل تقيل الا لما يكون عندك كتف يشيل.
- الشاطرة تغزل برجل حمار.
- علي رأي المثل ، حسدوا الغجر علي ضل الشجر.
- متعرفش قيمة امك غير لما تجرب مرات أبوك.
ـ بكره تروح يا ناكر خيري و تشوف زماني من زمن غيري. - قالو أبو فصاده بيعجن القشطة برجليه قالوا كان هيبان علي عراقيبه.
- لو الجمل شاف اتبه .. كان ميل عليه قطمه.
- خليك في حالك يرتاح بالك.
- كل واحد ينام على الجنب اللي يريحه.
- مش كل من لبس العمامة يزينها، ولا كل من ركب الحصان خيَّال.
- كل سقطة وليها لقطة وكل عقدة وليها حلال.
- إيش ياخد الريح من البلاط.
- لاقيني ولا تغديني.
- ياما جاب الغراب لأمه.
- المتعوس متعوس ولو علقوا علي باب بيته فانوس.
- الشحات له نص البلد.
- القبيحة ست جيرانها.
- ضربوا بتاع التوم خري بتاع البصل.
- أضرب المربوط يخاف السايب.
- اتمسكن لحد ما أتمكن.
- أهي ليلة وفراقها صُبح.
- إن غاب القط، العب يا فار.
- اتصالحت المقشة مع البلاعة و الاثنين بقوا جماعة .
- اللي تخاف من العرسة ما تربيش كتاكيت.
- اللي يسمع كلام الناس ما ينفعش واللي ياكل حرام ما يشبعش.
- بعد ما كان بيحجل زي الغراب بقي يلبس جزمة وشراب.
- الباشا من هيبته يتشتم في غيبته.
- جري الرجالة زي بحر النيل وجري الولاية زي نقط الزير.
- الطويلة تقضي حاجتها والقصيرة تنده جارتها.
- أنا وحشة و عاجبه نَفسي و أشوف الحلوين تقرف نِفسي.
- ابعد عن الشر و غنيله.
- عتاب الندل اجتنابه.
- ولا ترقع فى الدايب ولا تعتب على العايب.
- لو ليك عند الكلب حاجه قوله يا كلب وتغور الحاجه.
- ياما جاب الغراب لأمه.
- من جاور السعيد يسعد ومن جاور الحداد يتكوي بناره.
- حرص ولا تخون.
- يوضع سره في اضعف خلقه.
- يا مأمنه للرجال يا مأمنه للمية في الغربال.
- طول ما الحمار ساكت العربجي يفضل يزود في الحمولة.
- اللي يربط في رقبته حبل، ألف من يسحبه.
- سكتنا له دخل بحماره.
- ابو جعران في بيته سلطان .
- البطيخة اللي ما أتفتحتش شبعت تخبيط.
- اتدلعي يا عوجه في الليلة السودة.
- ادلعي يا فحلة الزريبة وحلة.
- اللي عمانا .. يكسح غيرنا.
- قصري الشر يا عورة.
- ما حدش خالي من الهم حتى قلوع المراكب.
- يا قاعدين يكفيكم شر الجايين.
- لناس خيبتها السبت والحد وأنتي خيبتك ما وردت على حد.
- لا الحاوي ها ينسي موت أبنه ولا التعبان ها ينسي قطع ديله.
- قد النملة ويعمل عمله.
- إن كنتوا نسيتوا اللي جري هاتوا الدفاتر تنقرا.
- اللي ليه ظهر ما ينضربش على بطنه
- اللي ما لهوش كبير يشتري له كبير.
- البطران أخرته قطران.
- كنت فين يا لأه لما قلت أه.
- عامل زي المش كل يوم في الوش.
- ياما الهدوم بتداري.
- كلمة حا تسوق كل الحمير.
- كياك ( كيهك) صباحك مساك تصحى الصبح تدور على عشاك.
- يموت الزمار وصباعه بيلعب.
- مفيش حلاوة من غير نار.
- أسمع كلامك اصدقك أشوف أمورك استعجب.
- الناس خيبتها سبت وحد وانا خيبتي ما وردت على حد.
- اللي يكتر في العين تجزعه النفس.
- أكل العيش يحب الخفية.
- دلقوا القهوة من عماهم وقالوا الخير جاهم.
- أقعد عوج و أتكلم عدل.
- الميه تكدب الغطاس.
- البحر يحب الزيادة.
- قالوا الجمل طلع النخلة قلنا آدي الجمل وآدي النخلة.
- يا خبر النها رده بفلوس بكره يبقى ببلاش.
- قليل الأصل لا تعاتبه ولا تلومه ده زي البقعة لا يطلع برابسو ولا بأومو.
- قليل البخت يلقي العضم في الكرشة.
- يا اللي وريت الفؤاد أيام أليمة أنت والفؤاد علي الجزمة القديمة.
- يا بخت من بكاني وبكا عليه و لا ضحكني وضحك الناس عليه.
- يا بخت من بات مظلوم و لا بات ظالم.
- من شاف بلاوى الناس هانت عليه بلوته.
- قالوا للحرامي احلف قال جالك الفرج.
- القرعة تتعايق بشعر بنت أختها.
- عزومة مراكبية.
- اللي نجمه خفيف أو محسود يلبس اللباس بالمقلوب.
- أتفشخر بعشة من حر مالك مش بفيلا بتاعت بنت خالك.
- ان سرقت اسرق جمل و ان عشقت اعشق قمر.
- ضربوا الأعور علي عينه قال خربانة خربانة.
- يا مخلف البنات يا شايل الهم للممات.
- دخول الحمام مش زي خروجه.
- إذا كان فيه خير ما كنش رماه الطير.
- الاسم لطوبة والفعل لأمشير.
- الباب المقفول يرد القضا المستعجل.
- بان الوش من القفا والعدو ما اشتكي.
- بختك يا ابو بخيت.
- بركة يا جامع اللي جات منك ما جات مني.
- بطينة ولا غسيل البرك.
- التاجر لما يفلس يدور في دفاتره القديمة.
- تحت البرقع سم ناقع.
- التقل صنعة.
- الجار أولي بالشفعة.
- جه يكحلها عماها.
- الجري نص الجدعنة.
- جوزوا مشكاح لريمة ما علي الأثنين قيمة.
- بكرا نقعد جنب الحيطة ونسمع الزيطة.
- قيراط حظ ولا فدان شطارة.
- شيل ده عن ده يرتاح ده عن ده.
- أخر خدمة الغز علقة.
- أخر المعروف ينضرب بالكفوف.
- دراري على شمعتك تقيد.
- قرد يسليني ولا غزال ينكد عليه.
- الكحكه فى ايد اليتيم عجبه.
- ابنه في كتفه ويدور عليه.
- أبو بالين كداب.
- ايش تعمل الماشطة في الوش العكر.
- أ تغدى ببه قبل ما يتعشى بيك.
- ما تزعلش علي ناس ما تسواش أنت اللي أديتهم سعر لما كانوا ببلاش.
- قلت للنحس أنا رايح اتفسح قال وراك وراك هو أنا مكسح.
- ما يبقاش تاريخك كله فضايح و تيجي عندي تديني نصايح.
- أنا واخويا على ابن عمي وأنا وابن عمي على الغريب.
- هي الدنيا إيه غير حلوين يتمنوا ومعفنين يتهنوا.
- طمعنجي بنا له بيت، فلسنجي سكن له فيه.
- ربي يا خابية للغايبة.
- جوزناها عشان تتاخر، راحت جابته هوه راخر.
- صاحب كلب يحرسك ولا تصاحب صاحب يحبسك.
- الرجولة أدب مش هز كتاف.
- يا نحلة لا تقرصيني ولا عاوز عسل منك.
- فيِ ناسٓ معايـه في الوش مرايه، وفي القفا سلايه.
- يا بخت من قدر وعفى.
- أصبر علي جارك السو، يرحل يا تيجي مصيبة تاخده .
- العبد يعرج من شفته.
- ما تبصليش بعين ردية بص للمدفوع فيه.
- ضربت الودع ملقتش ولا صاحب جدع.
- لما أنا أمير وأنت أمير مين يسوق الحمير.
- علمناهم الشحاته سبقونا ع الأبواب.
- زي القرع يمد لبره.
- الشيخ البعيد سره باتع.
- زي الفراخ رزقه تحت رجليه.
- اقلب القدرة على فمها تطلع البنت لأمها.
- إيش خيره عنه، أخوه وابن عمه.
- يا ما في الجراب يا حاوي.
- كانت خالتي و خالتك و أتفرقوا الخالات.
- البيت بيت أبونا ويجوا الغرب يطردونا.
- اللي ما يعملنيش كحل في عنيه، ما اعملهوش مداس في رجلي.
- بوس الكفوف ضحك علي الدقون .
- من دقنه وأفتله.
- أبو بلاش كتر منه.
- إيش لم الشامي على المغربي.
- اللي ياكل حلوتها يتحمل مرتها.
- اللي ياكل ببلاش ما يشبعش.
- اللي ياكل لوحده يزور.
- أعمى ويقول شفت بعيني.
- مش كل مرة، تسلم الجرة.
- طول البال، يهد الجبال.
- طول البال يبلغ الأمل.
- اللوح يقول للمسمار فلقتني، قال المسمار لو حسيت بالدق اللي علي دماغي كنت عذرتني.
- الخير على قدوم الواردين.
- يا بخت من زار وخفف.
- الرجل تدب مطرح ما تحب.
- عامل زي اللي رقص علي السلم لا اللي فوق شافوه ولا اللي تحت سمعوه.
- يعمل من الحبة قبة.
- اللقمة الهنية تكفي مية.
- يعملها الصغار، ويقع فيها الكبار.
- ان دبلت الوردة ريحتها فيها.
- جالك الموت يا تارك الصلا.
- العجل لما يقع تكتر سكاكينه.
- اصرف ما في الجيب، يأتيك ما في الغيب.
- القرش الأبيض ينفع في اليوم لغبر.
- يا مستكتر الأيام أكتر.
- خد من التل يختل.
- طلع من نقرة، وقع في دحديرة.
- جه يكحلها عماها.
- تقوله طور، يقول أحلبوه.
- لا منك ولا كفاية شرك.
- إيه رماك على المر، قال اللي أمر منه.
- الديك الفصيح من البيضة يصيح.
- خالف تُعرف.
- من شكي العيان حاله يبان.
- اكسر للبنت ضلع يطلع لها أربعة وعشرين.
- الطمع يقل ما جمع.
- صباح الخير يا جاري، أنت في دارك وأنا في داري.
- من عاشر القوم أربعين يوم، يا صار منهم يا صاروا منه.
- عاشرت فلان ، لأ ، تبقي ما تعرفهوش.
- عاكس القطة تخربشك.
- لا يرحم ولا يسيب رحمة ربنا تنزل.
- مال الكُنزي للنُزهي.
- كتر المتاعب تفرق الأحباب.
- الجعان يحلم بسوق العيش.
- اللي تعضه الحية يخاف من الحبل .
- أيش تعمل لمونة في في بلد قرفانة.
- زي العقربة قرصتها و القبر.
- اللي ما تاخده الإيد يكبر ويزيد.
- البعيد عن العين بعيد عن القلب.
- كل أكل الجمال و قوم قبل الرجال.
- ما اسخم من ستي إلا سيدي.
- الكبيرة حارة والصغيرة مبذرة.
- الجنازة حارة والميت كلب.
- حط طوبة علي طوبة ، خلي العركة منصوبة.
التعليقات مغلقة.