قميص يوسف بقلم الشاعر /أشرف الشناوي
وامد ايديا
تاكليها
وترميها فى كهف
الشوق
اقول ياقلب عديها
وخليك زوء
وكل ماقرب
القاكى
شبح وسراب
ونفسى فى مره
تاخدينى
حدا الاحباب
وليه ترمينى
لكلابك
مفيش غيرى
على اعتابك
كدا عريان
تعبت استنى
والجنه
فى ايد ابليس
سنين امسح
واعبيلك
أنا الفوانيس
وتاخدى الكل
ترميهم
وفى الفراديس
وفايتانى
فى وسط جهنم
الحمرا
تملى باقيس
وكل مافيا
مش ليا
من التضاريس
وليه فاكرانى
متجرد
من الاحاسيس
ماليش غير
وش مش كالح
ماينفعش
يكون تدليس
وليه بتدقى
اوجاعك
كما المسامير
وماسكه القلب
بسنانك
عشان مايطير
وحطانى فى زنزانتك
مع العصافير
لافجر يعدى
يلمحنى
ولا يسمع فى يوم
لحنى .فيدبحنى
الوجع ويهيص
مايمكن بكره
تتعدل .ويوسف
يرمى فوق وشى
بايده قميص
التعليقات مغلقة.