كده برضه يا حتة مني بقلم سيد جعيتم جمهورية مصر العربية
جوه عيني كنت نني
وف وريدي أنت دمي
وف حشايا مالكه قلبي
ليه بكلامك تجرحينى
وأنتي كنتى حتة مني
ليه وجعيتي تفرحك
وصوت انيني يطربك
مهما اتعب ولا أشكي
تملي تبقي بعيدة عني
وانت ساكنة جوه مني
كل يوم ترمي ف كلام
سئيل تقيل كله خصام
ولو تعاتب من عذابك
الملام ها يكون ف بابك
والوجيعة مصاحبة نوحي
بتوسعي بينا الخطاوي
وتسكي بينا الف باب
إلا باب مفتوح وحاوي
جوه منه سنين عذاب
وتقوليلي غصب عني
فوق يا قلبي مره وانسى
شوف بعينك مش بعينها
تلقى دنيا تانية خالص
دنيا خالية من المشاعر
والضحية فيها عمري
التعليقات مغلقة.