مونولوج فكر مره شعر فكاهي للشاعر : أشرف يوسف
فكر مره اتنين و تلاته
قبل ما تخطب أو تتجوز
أول ما هتعرفها هتفرح
وبقيت عمرك تبقي مبوز
أول ليله في عمر الحب
راح تحلم وتعيش وتحب
وحاجات تانيه بعد شويه
راح تتقال من جوا القلب
عدي يومين أسبوع كام
شهر
ضحكوا عليك و دفعت
المهر
و المحروسه كل شويه
تشكيلك من وجع الضهر
بعد ما راحت للدكتوره
عملت ليها كارت متابعه
بعد ما وضعت جابت
توأم
مش واحد واتنين دول
سبعه
فوق اكتافك يابطل شيل
وابقي قابلني ان نمت الليل
بعد ماكنت غزال من بحري
حملك م الليله بقي تقيل
حبه صويت والباقي خناقه
هو الواحد له كام طاقه
من بدري سجل شهادتهم
واكتب أساميهم في بطاقه
إغرق حب لشوشتك واشرب
هتروح فين ياحبيبي وتهرب
و عشان تيار شوقك عالي
فمسيرك منه هتتكهرب
الإثنين بتاريخ ٢٠٢٢/٥/٢٤م
بقلم الشاعر : أشرف يوسف
من ديوان : إضحك كركر
التعليقات مغلقة.