اهل الادب شعر / رضا أبو شنب ” بيرم المصري “
قولولي يااهل الادب
فين الادب الاقيه
قولولي ايه السبب
انه يسيب اراضيه
بيت الادب اتسلب
والندل قاعد فيه
والحال معانا اتقلب
ضرب الادب في عنيه
مات الادب واتصلب
والكل حط عليه
هو اللي بيته اتخرب
زي اللي نايم فيه
كان الادب يا عرب
فارس في يوم نناديه
لا عمره سابنا وهرب
ولا عمره كان بايديه
قال الادب للطرب
من غيري تعمل ايه
هيقولوا عندك جرب
والزوق يا عيني عليه
لو كل شيء انكتب
من غير ادب يراعيه
يبقي الادب اتغلب
والفاتحة من غير ليه
كان نفسي اقدم طلب
يمكن في يوم الاقيه
وامسك ايديه لو هرب
وابوس ايديه واراضيه
قولولي يااهل الادب
فين الادب الاقيه
التعليقات مغلقة.