أُمنيه…
مسعد البحراوي
أُمنيه
ماتردي علينا ياأمنيه
طمني ناس عذبها فراقك
رجعي إحساس ضاع م الدنيا
كان إسمه أمان كان علشانك
الناس دي مفيش لها غير سيرتك
والكل بيتغنى بطيبتك
الآه مش هتغيب طول غيبتك
و غياب الأمن ف أحضانك
بالله يااهل الله تدلونا
إزاي ترجع لنا أُمنيه
بقانون الغاب احتلونا
وبيسرقوا لحن الأغنيه
فلبئس الفُرقه الوطنيه
الطارحه ف سكتنا مهالك
عارفه ياأمنيه اللي قاتلني
ومخلي حروفي بتنزف دم؟!
إن انا إزاي هقدر اغني
والأوركسترا مبقاش مهتم
ولا سائل حتى ف ألحانك
مع إنك لحن خلود مولود
علشان نزرع به وجود ع الأرض
كان لازم نخلق بيكي عهود
مجنونه بعشق صلاة الفرض
وترتل دايماً أوزانك
لله الأمر
لينا رب كبير ..
له وحده الأمر عليـِه التدبير
هيردك لينا ياأمنيه
وأكيد فينا قلب دُعاه فيه خير
هيعيد ترتيب الأغنيه
ويفسر رؤية أحلامك
ياأمنيه
ج.م.ق
مسعد البحراوي
التعليقات مغلقة.