وحشتيني بقلم وحيد علي الجمال سرس الليان محافظة المنوفية جمهورية مصر العربية
وهي ازاي هتوحشني
وربي خلقها من ضلعي
وساكنه القلب والنني
وعمري مرة ما وجعني
فراقها وبعدها عني
ما انا حبلها السري
وعشقي ليها كان سري
ومهما تغيب وتهجرني
الاقي روحي توصِلني
بتوأمها وتسعدني
انا كلها كلي
واجزائي وتباعيضي
ملامحي هي ومرايتي
وفيها كل تفاصيلي
ولو غابت في يوم عني
بشوفها ونبضها سابح
في شرياني وتكويني
انا بغيرها ما بحلمشي
وغير صوتها مابسمعشي
قصائد شعري أجدلها
واحبرها واغنيها
واتفلسف بكام معنى
وهدفي إني أرضيها
كأني بيرم التونسي
على حبي التاريخ يشهد
ودايب قلبي أنا فيها
انا ليها كما آدم
مافيش غيري يدفيها
وعن كل الوجود
حضني بيغنيها
وهي في دنيتي حوا
حبيبتي وروحي من جوه
بنام واسهر أناجيها
بشوق العشق بتلوى
وصبري فيها يكفيها
انا مجنون كما النوه
اذا مر الهوى مرة
وكَحّل نفسه بعنيها
وموج البحر من غيرتي
بيشكي للقمر طبعي
ولو مره في يوم شافني
بيستنى ويتمنى
يعدي جوه مراسيها
بغمض عيني وابعتلك
رسائل من هوى روحي
يا احلى حاجة في الدنيا
وأغلى عندي من عيني
وحشتيني وحشتيني
التعليقات مغلقة.