نسيتي الوعد … أشرف يوسف
نسيتي الوعد
أغنية جديدة
ليه سيبتيني ف توها لوحدي
وسط الريح والشتا والرعد؟!!
كل اتنين كملوا مشوارهم
واحنا ما كملناش مع بعض
توعدي قلبي و تحلفي ليه
وبعد شويه بتنسي الوعد؟
لسه ياروحي السكه طويله
ليه سيبتيني في أول ليله
وانا محتاجلك تبقي معايا
بيكي الدنيا بتبقي جميله
هو دا كان وعدك في هوايا
تمشي و غيرك يبقي معايا؟!!!
أنا مش عايز حد مكانك
بس خلاص أرجوكي كفايه
دا انا ما عشقتش غيرك إنتي
أيوه ياروحي بقولك إنتي
هونت عليكي ازاي وانا بحلف
إنك عمرك ليله ما هونتي
عشمتيني و ليكي آمنت
ليه دالوقتي عليكي انا هونت
من غيرك إيه تبقي حياتي
وانا قبلك لا دريت ولا كنت
وانا قبلك لا دريت
ولا كنتالجمعة بتاريخ ٢٠٢٢/٦/٣م
من ديوان : ليالي الغربه
بقلم الشاعر : أشرف يوسف
التعليقات مغلقة.