شطبنا خلاص …
أشرف الشناوي
………شطبنا خلاص…….
بح خلاص
شطبنا خلاص
بنلم فى باقى
الاحلام
ويادوب الجرح
اللى فى قلبى
بالظبط مقاس
الايام
شطبنا خلاص
ومفيش مشاريب
لمينا كاسات
الارضيه
وقفلنا الباب
وبمية ترباس
علشان الساده
الحراميه
شطبنا جراح
والعمر اهو راح
من غير افراح
وعيون بدموع
مستكفيه
ونزلنا خلاص
من قطر الشوق
بنبص لفوق
وسط المخاليق
المرميه
وهياكل ناس
وجماجم ناس
عماله تنداس
م الاغبيه
صفر يابور
بالفحم ودور
واخطف م الدور
مصابيح النور
المطفيه
غربل فى قلوبنا
ودوبنا
طير عصافير
الروح فينا
ودينا لاخر
مراسينا
ماخلاص شطبنا
ولمينا
سلمنا الاحلام
بايدينا
ونسينا خلاص
فين مطارحنا
ويانا امانى وسكرانه
من كتر جراح
عايشه معانا
والروح تتشعبط
فى المركب
والموج يحدفها
وبيقلب
وياخدنا الريح
زى الريشه
فتضيع وياه
التحويشه
شطبنا خلاص
لمينا خلاص
ريحنا وشيل يالا
الفيشه …………………
اشرف الشناوى
شاعر عاميه
البرامون
المنصوره
التعليقات مغلقة.