وجع باللمس…
أشرف الشناوي
………….وجع باللمس………
حاولت اشكى
لقيت الكل
بيعيط
وناس قاعده
وفى جراحها
بقالها سنين
وبتخيط
وناس عمال
على بطال
بتصرخ ايوا
وتصوت
وناس عماله
بتذحف
فى ناس تانيه
وبتلوط
وناس مش قادره
عالقسوه
فبتهيص
وناس من جوعها
بتفيص
وناس عايشاها
بالعافيه
وناس حافيه
وناس ماشيه
ماهش داريه
بنفسيها
وناس غلبت
وفى جراحها
تداريها
وناس تعبت
من الدنيا تداديها
وناس خايفه
ومن بكره
يكون ناسى
امانيها
وناس حايضه
وناس بايضه
وناس تعبت
كدا مقايضه
وباعت كل ماليها
عشان ضحكه
تفوت مره
وتسقيها
وناس الجرح
يسبقها
فيخطفها
بامانيها
ووديها على التيهه
وناس بتعض
بعضيها
وتاكل لحم
مش ليها
وناس مش فارقه
وياها
خلايق تانيه
دايساها
سنين م الظلم
ركباها
وناس تحسبها
بالمللى
وبالسحتوت
وناس من خرم
ابره تفوت
وناس تايهه
وفى الملكوت
وناس معدومة
العافيه
ماهش لاقيه
اللضا والموت
وناس ترسم
امانيها
على حيطانها
بدمع العين
وناس وخداها
سكتها
ماهش عارفه
هتوصل فين
وناس واقفه
على الحافه
بتدفا
بلفح الشمس
وناس اوجاعها
جواها كدا
باللمس
وناس بتعبى
فى جراحها
وتكبس كبس
وتستنى الامل
يطلع
تلاقى الحكم
متعلق ومتجدد
عشانها
الحبس. ……………
اشرف الشناوى
شاعر عاميه
البرامون
المنصوره
التعليقات مغلقة.