فلســـــــطين …
السيدابوقوره
فلســـــــطين
سبعين سنه من عمري
ضاعت السعاده
ماشوفتهاش
سنين ومرت من حياتي
ماعشتهاش
شربوني الخوف كاسات
ارض عايشه ونبض مات
الآمان انا معرفوش
سرقوا من حضني الأمان
الكل باع فيا وخان
قطعوني وقسموني
استخسروا فيا الآذان
كانوا بيقولوا العروبه
دم واحد صدر واحد
قلت يمكن كان زمان
النهارده
اللي ندد واللي هدد
واللي ريح نفسه مدد
النهارده دمي هان
ياللي نكستوا الكرامه
كل وقت وله آوان
السيدابوقوره
التعليقات مغلقة.