آخر الجنة شعر / وحيد علي الجمال
انا اتغيرت لما اخترت
اشيل الحزن فوق طاقتي
وكان الحمل من تُقلُه
بيفرد نفسه فوق ضهري
وكنت اصعب على نفسي واصبرها
بكام كلمه تطمني على حالي
مسير الدنيا تديني
فرح مرسوم على قدي
مادام النيه معقوده على عنيكي
ف بكره الحظ يندهلي
فراقنا كان قرار مرفوض
لكن تنفيذه كان مطلوب
على شوقنا وأشواقنا
رسمت الشمس في ايديكي
واجب البدر يشفع لي
منعني الليل أكون لكي
ووصى الفجر يتبعني
مفيش غيري يكون لكي
ولا يبقى الهوى بعدي
لقيت الباب هناك مفتوح
عليه اسمي
وسحر حجابها كان منحوت
وكان بينادي من غير صوت
حاول تمشي ماتدخلشي
بَعتِّلها وكان مطلوب تفَهِمني
لإمتى الصوم قدر مكتوب على جيبنا
انا مقسوم كدا نُصّين
بيتخنقوا على حقي اللي كان فيك
ولا واحد فيهم طبعي ولا شبهي
ولا قادر أكون بينهم واستنى
انا المكتوب على بابه
بأنك آخر الجنة
التعليقات مغلقة.