اداه الحب سكينه بقلم مروة محمد
اداه الحب سكينه
وشابه تموت في وسط سكوت
وعاشق لوث (لون)
الاحساس بدم حبيبه مسكينه
وخلق طابور وشاهد
حق والتاني بيشهد زور
ومين فيهم كان المضرور
ومركب مين هترسي لحالها ع المينا
اداب العشق في الحضرة
توضي القلب 100مرة
وتنوي صلاه قيام بكره
وتخلص نيتك فيها
فاليه بتخالف القدرة
يضيع الحب وسط رصيف
يسيل مجري بشكل مخيف
بدم حبيبته مقتوله بدون تكليف
ينصب نفسه ملك الموت
وينهي حياتها وفي سكرة
يقطع قلب 100مليون
علي مشهد هيفضل جوه في الذكري
فتاه الجامعه مدبوحه
علي ايد الفتي الطايش
بيطعن فيها من غير روح
وفين رحمتنا بالفطرة
يموت فينا شروق بكره
وياخد نيره في سكوت
وعقل في دهشته مخبوط
في صدمه أننا كنا في لحظه
ضعف نستسلم وننسي
في توهه الملكوت
بأن الدنيا مش دنيا
ولا عايشنها بني ادمين
وقطر حياتنا مش دايم
وحتماً كان مسيره يفوت
التعليقات مغلقة.