الوداع بقلم وحيد علي الجمال سرس الليان محافظة المنوفية جمهورية مصر العربية
الوداع كان باختيارك
دا انت حتى ماسبتليش
فرصة اعترض
قلت يمكن كنت شايف
حاجه بينا وكنت خايف
إني ممكن انجرح
آسفه جدا لو سالتك
هي ايه كانت رسالتك
لما خبيت الإجابة
في النهاية ده قرارك
لسه بينا ميت سبب
انت قدمت اعتذارك
قلبي هيموت م العجب
ليه دبحت الحب فجأة
انسحابك مش مفاجأة
بس إيه هي الحقيقة
يوم هتيجي عند قلبي وتعترف
حد تاني خد مكاني
قول حكايتك
قولي واكذب
حتى لو كانت إجابتك
إن انا كنت السبب
وانك ماتقصدشي البعاد
والخصام اللي اتوجد
وانها ساعة غضب
مر ساعة.. وبعدها
ميت ألف ساعة
كنت مستنيه ساعة
تيجي حتى بالغلط
انت بالنسبالي ساعة وقتها
جوه قلبي كان غلط
التعليقات مغلقة.