يا مزوقين الكلام…
السيدأبو قورة
يا مزوقين الكلام
و بتكتبوا أشعار
بتألفوا للحب
و قلوبنا قايده نار
ياريت تفوقوا بقي
شبعنا أستهتار
مبادئنا رايحه للزوال
والكُره بالقنطار
الفن أصبح تجارة
متوزعه أدوار
اللي بيقتل أخوه
واللي بيخرب دار
و احد بيمسك سيف
والتاني يضرب نار
زرعوا الفساد في ارضنا
صبحت ولادنا أشرار
القتل بقي في الشوارع
أصبحنا في أستعمار
يا ريت حروفكم تساعد
ويبقي لينا قرار
السيد ابوقوره
التعليقات مغلقة.