يحبك كل من شافك بقلم حمادة ريحان
أنا اللي بدأت أحلامي
….. من الجيزه
و صورتك في أفلامي
و شبهتك بموناليزا
وحسيت فيكي بغرامي
وحبك كانلي تعويذه
بتبعد سحرهم عني
فميبانليش غير نورك
ولو يوم قربوا مني
بيهربوا فجأة ف حضورك
أنا اللي عملت م الحبة …
200 قبه، و 1500 فدان
وأنا اللي لبستلك جبة
و ياما لبستلك قفطان
و لما توهت يا شابه
لقيت في عيونك العنوان
أنا اللي طوفت ياما بلاد
ما مليتشي ولا تعبتش
و ياما جلدني الجلاد
عشان أبعد ولا بعدتش
مانا بشبه لإبن زياد
ركبت جواد ……..
أعدي البحر مانبلش
أنا اللي مشيت ف وسط الناس
أدور في الوشوش عنك
و أنا اللي مشيت بكل حماس
أقول الشعر في حسنك
و أنا اللي عشت ع الاخلاص
منايا القرب يوم منك
أنا اللي غزلتلك طرحة
وشال أبيض علي كتافك
و أنا اللي رسمتلك فرحة
تجسد كل أوصافك
دا ربنا للقلوب أوحي
يحبك كل من شافك
التعليقات مغلقة.