ثورة التصحيح شعر / فتحي نجم
ماتزفونيش
لو روحي فارقت جتتي
خلو اليمامه تشق ليا ضريح
جايلك عريس
وكفني مهـري ياجنتي
وفرحتي وانا متشال لك طريح
ولا تنشوريش
صوري في ميادينك
خليني بس قصاد عينك
منا أصلي حافض سكتي
أنا بس ليا ف ذمتك تصريح
كفنوني بالعلم
خلوا الألم يخضَّر جوانا الأمل
يصبح عمل بصحيح
وتكون معايا مِخلتي
رقم السريه والبيادة وبدلتي
صورة بهية والتصريح
وأمانه ياامه
طمنيني عن حدودك
ووصي اخواتي الصُغار
ازاي وامتي
يستعدوا لضرب النار
كلام بفعل وموش هزار
سمعيهم صوت زئيرك
موش نحيح
عرفيهم فين وجودك
وبصحيح
فين مقامك رغم فقرك
لسه الطحين في الدار
نشفيلي دمعتي
عن خدودك
بلاش نحيبك
بكرا راح تزرعلنا نهار
وتعدي وسط الكبار
اوعي تطلاعيني من حضنك
وخديني ف بوسه طويله
تطري وحدتي
ولقيني بابتسامه
لقنيني للقيامه
شربيني جبعة منك
بعدها مع السلامه
نزليني بشويش
خليني أحضن الأرض الطيبه
واشم فيها
عرق ابويا وجدتي
وريحة العيش
بالمانسبه
نسيت اقولك
شرايط البيت شاويش
وحبة حروف
من رِفيقي عليش
وسطرين تلاته في آخر جواب
وآيش لأيته معفر تراب
وفتره تقرب لتنهي العذاب
وعقربين لساعه
علقيهم سبحه
في صدور العيال
عرفيهم إن دا
موش شيء محال
عرفيهم ساعة الندا
يكونوا موجدين في الحال
اديهم تطعيم المناعه
حَلي فِيهُم
روح الشجاعه
حلفيهم يحرسوها
لوتقوم الساعه
حببيهم فيكي
وان حبك طاعه
خلي ساعة الصفر دقا
اوعي حد يقولك لأااا
وارفعي راية القتال
امحي صورة باهته عدت
رجالتنا ليها مدت
إيدها جاهزا للنزال
خليكي فاكره ومستعده
جيشنا مليان بالرجال
جيش نظامي أصله حامي
للوطن لومين عداه
رجالُه جد ماشيين بحد
ربي حامي سامع نداه
لمي عيالنا وارقعي زغروته
قولي شهيدنا دا حي
لوجتته مربوطه
في غيرو أكيد جي
عرفيهم يعني أيه حب البلد
يعني أيه عِرض وولد
اغرسي معني الشهادة
الدفاع عن أرضنا
أغلي م المال والولد
حتي لو جملنا ناخخ حرريه
فكي قيده تعلي بيه
اللي عايز إطعميه
اللي قادر أكيد عليه
وبكدا نشفي الجريح
راح نشمر الأيادي
نبدر النصر اجتهادي
والجهادي والجهادي
حبي ليكي ده جِهادي
ونغير طعم المليح
خضري ياامه الغلال
واصلبي عودك
الأرض محتاجه الرجال
وفيّ بوعودك
عرفيهم إن الدفاع
مش بس عادة
هي روح أصل العبادة
هي سكه للسعادة
هو دا الشيء الصريح
قومي انهضي
وابدري التفاريح
أنا أصلي ياامه
موش محتاج مديح
والإفاده ……
هي متجيش غير بالبيادة
ثورة التصحيح
التعليقات مغلقة.