قلبى الكفيف …
أشرف الشناوي
………قلبى الكفيف ……
لو بايدى
كنت اجيب
الشمس ليكى
كنت اجيبلك
دم اكتر
من وريدى
كنت اجيبلك
ورد واملا
البيت عليكى
كنت اغنى
كل يوم ادام
عينيكى
لو بايدى
كنت اجيبلك
قصر مليان
بالخدم
كنت اجيبلك
الف ضحكه
وم العدم
بس قلبى مانتى
شايفه
كل يوم
جوا الليالى
بيتصدم
كان منايا
اشوف ملامحك
مره واحده
فى ابتسام
كان منايا
فى حلم واحد
لو حقيقى
مش كلام
لو بايدى
كنت اجيبلك
الف نجمه
كل عام
بس قلبى
كان ضعيف
كان بيعجن
فى الامانى
لجل مايجيبلك
رغيف
خبا حلمه
جوا منه
لجل مايفضل
عفيف
خاف دموعه
تطفى شمعك
كمل المشوار
كفيف
لو بايدى
كنت هاعملك
جناح
وابدر الارض
اللى بارت
والبراح
مش هاقولك
انى فارس
يخطفك وياه
بعيد
او يجيبلك
لما يرجع
الغنايم والعبيد
مش هاقولك
ان انا الفت
الحويط
وان انا الواد
فهلوى
فى قص
الشريط
مش هاقولك
انى باحلم
زى ماانتى بتحلمى
الحلم العبيط
انى اجيبلك
فجر مليان
بالامانى
مش غويط
صدقينى لو بايدى
كنت اقولك
ان انا
انسان بسيط
مش حويط
وانى فارس
من ورق
او خيال فى الغيط
مأااااته
بينسرق
علشان كدا
لازم فى يوم
راح نفترق …………..
اشرف الشناوى
شاعر عاميه
البرامون
المنصوره
التعليقات مغلقة.