تعبت بقلم الشاعر / فهمي محمود حجازي
تعبت .. وتعب الحرف في كلامي
ومش قادر .. يوصلني لأحلامي
ولا قادر.. يشوف بكره في أيامي
ولا يرسم لي ضوء شمعه ..
ينور حتى في مكاني
بشوف اقلام بلا معنى .. وفرساني
لا تعرف للحروف معنى ..
ولا تحرك في وجداني
وناس أهي للهبل سامعة ..
وبتقلد شباب تاني
لاهي عارفه بتسمع أيه !!
ولا فاهمانة لمعاني!
ولو مرة أقول فكرة ..
تنور عقله من تاني؟
يقولي يا عم فُوت بكره ..
ونفض ليّا وانساني
وجاب العيبة والغلطة..
عليا وع اللي رباني
وقالي سلام يا ابوفكرة ..
سلام يا ابو كلمة ومعاني
وراح راقص.. مع موته وألماني
وانا باصرخ واسد الطبله في وداني
كلام فارغ مالوش معنى..
عقول فى الأصل عجاني
بتسمع بس مش فاهمه ..
وبتقلد .. و عمياني
وضاع الحرف والمعنى ..
وتاه الفكر في زماني
التعليقات مغلقة.