زفوا العروسه…
فتحي نجم
زفوا العروسه
ـــــــــــــــــــــــــ
زفوا العـروسـه زفوهـا زفه
إيـدوا الكـهــارب والزينـــه
عريسنــا داخـــــــــل وبلهفه
ويا القمــــر بنت العيـلـــــه
ماسك فـي إيـــد العروسـه
قرب عينيـــه مـن خدودها
حــالف ليخطف كام بوسـه
ويسقـي بحنانـــــه ورودها
لمح الفرحـــه جـوا عينيها
شـد وطرحــــه فستان زفاف
اسـم الله عليهـا وحـواليها
القلب أبيض قــوي وشفاف
يا ام الطرحه بيضـه وتولي
والقـوام مرســــــوم ياناس
هِلــي علينـــا يـــلا وطولي
والله مايكتـر عليكـي ماس
رُشـــو الـورد عليهـا رُشـــو
طل القمــــــــــر علينـا طله
واديلوا بوســه علي وشـو
كل اللـي شاف سما وصلي
وأمانـــه ياعريسنا أمانـــه
ماتزعلهــــــــــا ف يــــــوم
عروستك بتحب وهيمانـه
وأخيـــراً أهو جاه اليـــوم
إسقيها حبــــك لو عطشانه
وافتــــح قلبك مرسىٰ ليها
النُص الحـــــــــلو وعشمانه
جـــــــــوا عيونك وتخبيها
عايزا الأمـــــــان وطمعانـه
إنك في يـــــــوم ماتزعلها
خفف عنهـــــــــا لـو تعبانـه
بتحبــك سايقـه في دلالها
وانتي يشــــوفك ياجميلـة
وردة وفلـه فــــي جنينــه
لابســــــه الوقار ويا الزينـه
جــوا البيت ملكـه أمينـه
ريحتـك تملي تكـون حـلوه
فـي كل مكـان بـرا وجـوا
بنت الأصول خـد بالك منها
طــــبطـب علـيهـا وطمنهـا
وصيها علي أمك ياعريس
ووحـــده وحـــده تفهمهـا
تكون أصيله وليهـا ونيس
فــــي غيابــــــك وتهننهـا
خدها في حضنك يلا قوام
وبوسه حلوة علي جبينهـا
طـمنهـا دايمـاً ولقُـــــــــدام
هتشيلك جـوا في عيونها
بقلم/فتحى نجم
يوليو 2022
التعليقات مغلقة.