ليه بنزرع الشوك بقلم امل محمود عبد الرازق سفيرة السلام
ليه الحلم بيطرح نار
والقلب شايل لينا دمار
البصة جوه العين مكسورة
والشر عامل لينا حصار
الرغبة ليه بتكون مكبوتة
والنور مابينا وبينه جدار
الشر خلى الخير أوهام
والنية دايما شايلة العار
الضحكة أصبح ليها قناع
والراحة تركب ليها مشوار
الكلمة ليه بتكون مغلولة
والحق عايش كدا محتار
هو احنا ليه زرعتنا الشوك
وبنجني دايما نار ومرار
ونقسي ليه على أرواحنا
وجراحنا عملت لينا دوار
الحب أصبح ماضي وراح
والأهل عملوا البعد شعار
والله تاهت ملامحنا
ومعدش لينا في حاجة قرار
القتل أصبح سهل مباح
والسرقة مهنة وليها أسرار
عذاب عذاب بنعيش وياه
والخير بنطلع له أسوار
تعالوا نزرع شجر الخير
ونخلع كل سبيل للعار
دا الرب شاهد ومأجل
يمكن نعود ونعيش أحرار
****
التعليقات مغلقة.