زفة كدابين شعر اشرف الشناوى شاعر عاميه البرامون المنصوره
رجعى الحلم
اللى عجز
واللى طلعتيه
معاش
واللى شاب
قبل أوانه
واللى تاه فيكى
ماجاش
واللى ضيعتيه
بلاش
رجعى قلبى
اللى غنا
اللى عاش
فى عينيكى بنا
م العرق والدمع
باش
رجعيه لو حتى
صوره
يفرحوا بيه
العيال
رجعيه من غير
امانى
يسمعوا منه
الاغانى
يربطوا فيه
الحبال
لما خيلهم
يعنى تتعب
م الحروب والا
النزال
رجعى القلب
اللى سافر
واللى عاش
فى عينيكى كافر
رهن أمر الاعتقال
رجعى القلب
اللى دايب
جوا فى عيونك
سنين
واوعى تنسى
فى يوم غرامه
ليه بتنفى
الطيبين
ليه بتدى لكل
عاشق كارت احمر
فى الحنين
هاتى قلبى اللى
استوى
منك وجايع
م الديابه السعرانين
وازرعيه من تانى
يمكن
وسط زفة كدابين
يلقى حلمه
جنب منه
وسط حبة ميتين
رجعى الحلم
اللى عجز
حتى لو راجع
بيعكز
فوق كتاف
المجروحين
سيبى قلبى
يدق تانى
وارحمى وباى دين……… ……….
التعليقات مغلقة.