أنا مسافر
كلمات : محمد كسبه
أنا مسافر خلاص قررت
لكل شيء يناسب وقت
هتنسوني هتفتكروني ميهمش
ساعات الجرح ما بيلمش
و فيه حاجات تاني ما تتكررش
و المسافات بين القلوب بعدت
و لو سالوني مسافر ليه ؟
عشان قلبي محسش بيه
أي حد قريب و حبيب
و عشت معاكوا كإني غريب
و أول حد بتشمتوا فيه
و ساعة حزني بتفرحوا ليه ؟
أنا مسافر بدون مواعيد
بدون حسابات بدون ترتيب
أنا هوصل لحد بعيد
و مش عارف لأمتى هغيب ؟
ما أنا عايش معاكوا وحيد
و مليش فيكوا سند و حبيب
أنا مسافر و سايب روحي
و بجري ورا شغفي و طموحي
لحد بعيد بدون مواعيد
و هناك …. هطيب ألمي و جروحي
أنا مسافر
التعليقات مغلقة.