خليك طبيعى…
بقلم أشرف الشناوي
……………خليك طبيعى………
خليك طبيعى
يعنى لو حبيت
تعيط. عيط
لو لقيت
جواك براح
طير وغنى
واوعى تحبس
ضحكتك جواك
تموت
خليك طبيعى
حتى لو مقدرش
قلبك
يوم يدق
حتى لو دمعك
بيغسل فيك
ويشق
خليك طبيعى
حتى وف عز
الوجع
واوعى روحك
مهما كان
منك تقع
خليك طبيعى
وعيش حياتك
زى مارسمها
القدر
حبه ربيع
حبه خريف
حبه حر وحبه
صقعه او مطر
اللى حسوا
بالامان
عاشوا ياما
كتير خطر
عيشها مهما تكون
حياتك
حتى لو من غير
وتر
خليك طبيعى
مهما طال بيك
الطريق
كمل المشوار
غناوى
مش مهم تكون
ولى
او حتى حاوى
الحياه اجمل مافيها
انك تعيشها
بالبلاوى
خليك طبيعى
واوعى خوفك
يخطفك وياه
بعيد
او يشدك
ويحبسك وسط
العبيد
مهما كان
السجن عالى
قوم وكمل بالامانى
بالامل هتعيش
حياتك
حتى لو كانت
ثوانى
عيشها عيد ………………
اشرف الشناوى
شاعر عاميه
البرامون
المنصوره
التعليقات مغلقة.