السيد الشيتى ..ليه تركب الموجة
ليه تركب الموجه
خليك مع الهوجه
دا الدنيا معووجه
وماشيه بالمقلوب
خلوا الشريف معيوب
والحق مُش مرغوب
وكلنا أيوب
صابرين على المكتوب
الصبر بقى زادنا
ع الغربه ف بلادنا
والخوف على ولادنا
والحق بات مكسور
نفسه يشوف النور
واللي عليه الدور
ف الظلم بيعانى
تايه ووحدانى
عينه على الجانى
يشكى وكله هموم
ياحى ياقيوم
العدل راح ف النوم
والحق بات مظلوم
بكره القيامه تقوم
والظلم يستسلم
والحق يتكلم
من غير مايتألم
ويصالح الموجوع
وتجف كل دموع
ليه تركب الموجه
دا الدنيا معووجه
أصبح يمينها شمال
وبتعشق البَطّال
خلوا حرامها حلال
يارب ياقهار
ياعالم الأسرار
سوق الأمانه انهار
والدنيا لهيانا
وف سوقها واخدانا
لطريق ملوهش رجوع
ياعمر ياموجوع
بكره النهار يرجع
فجر الأمل يطلع
و تنتهى الهوجه
ونصالح الموجه
وتسافر الأحزان
ونغير العنوان
التعليقات مغلقة.